మినీ కవితలు...

ఒక విజేత స్వీయచరితము

--------------------

గతించిన గతం అంత ఒక జ్ఞాపకము

వర్తమానము దాని ప్రభావాల కొనసాగింపు

 భవిష్యత్తు ఈ రెండు కలయిక అనుభవం తో పొందే విజయశిఖరం

ఇదే ఒక విజేత స్వీయచరితము

దృక్పథము

---------

చచ్చిపోతున్నా కూడా వైద్యం చేయనివి గవర్నమెంటు ఆసుపత్రులు

 చచ్చిపోయినాక కూడా వైద్యం చేసేవి కార్పొరేట్ ఆసుపత్రులు

చచ్చిపోతున్నా తెలుగుని బ్రతికించాలని ప్రభుత్వపాఠశాలలు

ఎక్కడ బ్రతికేస్తుందో తెలుగు , దానిని ఎలాగైనా చంపేయాలని ప్రయివేటు పాఠశాలలు

ఈ రెండు దృక్పథాలు మారితే గాని ఈ దేశం బాగుపడదు

నేతలు

---------

నవ వసంతానికి

నాంది పలకాలని,

అనుక్షణం శ్రమించిన

నేతలందరికీ వందనం

అభివందనం

నేతలంటే కాదు

నేటి మేటి మేతలు

అధికారం కోసం

అర్రులు చాచే

అక్కుపక్షులు

నేతలంటే వారు

అవకాశం, అధికారం

ఉన్నా ప్రజల కోసం

పోరాటం చేసి

పరమపదించిన వారు

  

 వాస్తవం

-------

నయానో భయానో

నయవంచన

అంగీకరిస్తే అందలం...

ఆజ్ఞను నిరాకరిస్తే

అధ:పాతాళం...

ఇదే నేటి అహంకార

అధికారతత్వం !