ఓ మనసా...

ఎందుకే మనసా నీకు మనిషంటేే అంత అలుసు

మౌనంగా ఉన్న వాడి మదిలో ఆశలేవో రేపుతావు

ఆ ఊహల్లో ఉత్సాహంగా ఉన్నవాడి ఆశలు మీద నీళ్లు జల్లుతావు

ఏదో కష్టం అని కుమిలిపోతుంటే

ఆ కష్టంతో నీ గుండె ధైర్యం పెంచాను అంటావు

అదే రాబోయే నీ విజయానికి తొలిమెట్టు అంటావు

ఏదో శోధించి , సాధించిన తరువాత నిలకడ గా ఉండనివ్వవు

ఇంకేదో కావాలంటావు , నీ ఆటలకు హద్దు లేదా మనసా

ఏమీ లేని నాడు ఉన్న ఆనందం లో అణువంతయినా, అన్నీ ఉన్ననాడు ఉండనివ్వవు

ఎక్కడికి ఈ గమనం ,ఏమి సాధించాలని ఈ పయనం

కాలమంతా అయిన తరువాత వెనుదిరిగి చూస్తే మరిచిపోయిన బాల్యం , వడలి(వదిలి)పోయిన యవ్వనం ,

ఇదేనా జీవితం , ఎందుకే మనసా మనిషిని ప్రశాంతంగా ఉండనివ్వవా 

మనిషంటే నీకు అంత అలుసా...

మేడే

కత్తికి , సుత్తికి తమ చేవ తెలిసిన రోజు


భూస్వాముల గుండెల్లో డైనమైట్ లు పేలిన రోజు


కార్మికులే భానుని అరుణకిరణాలై పెట్టుబడిదారులకు తగిలిన రోజు


తాజ్ మహల్ అందాలే కాదు దానిని కట్టిన కూలీలను తలుచుకోవాలని తెలిపిన రోజు


వాడు కడితేనే సౌధం , వాడు పేరిస్తేనే ప్రాకారం అని ప్రపంచం గుర్తించిన రోజు


అణచబడుతున్న కర్షక, కార్మిక సోదరులు ఎదురు తిరిగి విజయం సాధించిన రోజు


సమస్యలకు శంఖారావం పూరించి , ఉద్యమాలకు ఊపిరిపోసిన రోజు


చీకాగో మేడే స్ఫూర్తిని ప్రపంచానికి చాటిన రోజు


ఇది కాదు ఒక సెలవు దినం , కష్టించే ప్రతివాడి చెమటసుమగంధమై పరిమళించే పర్వదినం


ప్రగతికి పట్టుకొమ్మలైన ,పీడిత , బాధిత బాధలు నుంచి బయటపడటానికి సోదరులు అందరూ కలిసి పిడికిలిబిగించివిజయకైతనం ఎగురవేసిన రోజు


ఇది కాదు కేవలం ఒక "రోజు" ,

శ్రమకు సముచిత స్థానం సాధించి పెట్టిన ఎందరో మహానుభావుల త్యాగఫలం


"కార్మిక సోదరులందరికీ మేడే శుభాకాంక్షలు"