రైతు - నానీలు

* స్వేదం తో సేద్యం

ఆకలితో నేస్తం

ఇదేనా రైతు రాజ్యం

* కాయకష్టం మాది

కాసిన కాసిని గింజలు మీవి

బతుకులు బరువు మాకు

బలిసిన పరుసులు మీకు

* ఒకనాడు అన్నదాత

నేడు అధ్వాన్న మయ్యేను నీ తలరాత

నిన్ను కోల్పోతే లేదు భవిత

నిన్ను కాపాడుకోవడమే మా తక్షణ బాధ్యత

* రైతు లేని రాజ్యం

కానున్నది రాబందుల పరం

మేలుకోక పోతే నేడు మనం

కానున్నది బ్రతుకు దుర్భరం

* రాలని చుక్కల కోసం ఆకాశం వైపు చూస్తూ

రాలిపోయిన పంటను భూమి మీద చూస్తూ

పస్తులతో చూసి చూసి ఛస్తూ...

* నేల మీద కాళ్లు

ఆకాశం వైపు చూపులు

ఎండిన డొక్కలు

ఎన్నాళ్లీ ఎదురు చూపులు

* అన్నదాత లే అన్నం కోసం ఎదురుచూసేను

పచ్చడి మెతుకులు దూరమయ్యేను

పురుగుల మందులు ప్రియమయ్యేను

* బీడు భూములు

పనిచేయని బోరులు

కోతకు రాని పొలాలు

కలిసి రాని కాలలు

* కనిపించని ఆ దేవుళ్ల వరాలు కన్నా

ఆకలి ని చంపే నీ కరాలు ఎంతో మిన్న

* ఇనుప కండరాలు, ఉక్కు నరాలు

హలాల వంటి కరాలు

ప్రభుత్వ పథకాల ముందు

పక్ష వాతం వచ్చిన అవయవాలు