ఓ మనసా...

ఎందుకే మనసా నీకు మనిషంటేే అంత అలుసు

మౌనంగా ఉన్న వాడి మదిలో ఆశలేవో రేపుతావు

ఆ ఊహల్లో ఉత్సాహంగా ఉన్నవాడి ఆశలు మీద నీళ్లు జల్లుతావు

ఏదో కష్టం అని కుమిలిపోతుంటే

ఆ కష్టంతో నీ గుండె ధైర్యం పెంచాను అంటావు

అదే రాబోయే నీ విజయానికి తొలిమెట్టు అంటావు

ఏదో శోధించి , సాధించిన తరువాత నిలకడ గా ఉండనివ్వవు

ఇంకేదో కావాలంటావు , నీ ఆటలకు హద్దు లేదా మనసా

ఏమీ లేని నాడు ఉన్న ఆనందం లో అణువంతయినా, అన్నీ ఉన్ననాడు ఉండనివ్వవు

ఎక్కడికి ఈ గమనం ,ఏమి సాధించాలని ఈ పయనం

కాలమంతా అయిన తరువాత వెనుదిరిగి చూస్తే మరిచిపోయిన బాల్యం , వడలి(వదిలి)పోయిన యవ్వనం ,

ఇదేనా జీవితం , ఎందుకే మనసా మనిషిని ప్రశాంతంగా ఉండనివ్వవా 

మనిషంటే నీకు అంత అలుసా...