నా స్కూల్

 

కల్మషం లేని లేత కలువుల నెలవైన కోవెల కోనేరు నా స్కూల్...

బుడిబుడి అడుగులు గాడి తప్పక గమ్యాన్ని చేర్చిన మనోరథం నా స్కూల్...

అక్షరమే ని జీవనాధారం , అన్య ఆయుధం అవసరం లేదని చెప్పిన రణ భూమి నా స్కూల్...

మతాల మత్తు, కులాల కంపులు ఊసులు దరిచేరనివ్వని ఉద్యానవనం నా స్కూల్...

మట్టి నుంచి మాణిక్యాలను , మనిషి నుంచి మహనీయులు రూపొందించిన కర్మాగారం నా స్కూల్...

ఎంతెత్తు ఎదిగినా, మూలాలు నావే అని గర్వాపడే పవిత్రక్షేత్రం నా స్కూల్...

చెలిమి హస్తాలు, చెరగని జ్ఞాపకాల స్మృతిపథం నా స్కూల్…

ఈ మహానగరానికి చెక్కు చెదరని చరిత్రను లిఖించటానికి ఎందరినో అందించినది నా స్కూల్...