ఏ దేశ చరిత్ర చూసినా ఏముంది గర్వకారణం
అధికార దాహమో లేక అహమో
ప్రజా సంక్షేమ పరిపాలన చేస్తే సరిపోయే దానికి
విపక్షాల మీద విరుచుకుపడి ప్రజల ప్రాణాలు హరించాలా
ఆదుకుంటారు అనుకున్న పెద్దన్నలు , చెరొక వైపు చేరి
రావణ కాష్టానికి మరింత ఆజ్యం పోస్తుంటే
వికసించని పసిమొగ్గలు , నేలకి ఒరిగిపోతుంటే
శరీర భాగాలు కళ్ళ ముందే విడివడి పోతుంటే
అన్ని తెలిసీ మౌనం వహిస్తున్న ఐక్యరాజ్యసమితి
శరణార్థులకు సాయం చేయలేక చేతులేత్తేస్తున్న పొరుగు దేశాల
దుస్థితి
రక్కసి మూకల స్వైర విహారం ఆపి
అమాయకులను ఆదుకోనక పోగా
ఆదను చూసి అంతర కార్యాలను నిస్సిగ్గు గా
నేరిపేస్తున్న అంతర్జాతీయ అధికారపు దొంగలు
మన పెద్దన్నలు
పాపం ఏవరిదో తెలియక , సాయం కోసం ప్రపంచ దేశాలను
ప్రాధేయపడుతున్న పసి కూనలు...
ఆదుకోలేక కన్నీరు పెడుతున్న వర్ధమాన దేశాలు..
లక్షల సంఖ్యలో ప్రాణాలు ఫణంగా పెట్టి
సాధించేదేముంది మరుభూమి మీద ఆధిపత్యం
చచ్చే ముందు మరణాలకు కారణమన్న పశ్చాత్తాపం
భీకర , భయానక , భీభత్స దృశ్యాలకయినా
చలించలేదా ఈ పాలకుల మనసులు
ఇకనైనా సంధించ లేరా తమ అధికారాలు సంధి కొరకు
కనిపించలేదా మీ కళ్ళకు
నెత్తురోడుతున్న మానవత్వం
శవాలుగా మారిన శాంతి సందేశాలు
అనాధలుగా మారిపోయిన ఐరాస ఆశయాలు
కుత్తుకతెగి విలవిల లాడుతున్న శ్వేత కపోతాలు
