కీర్తి , ప్రతిష్టలకు పరాకాష్ట...
విమర్శకుల అంచనాలకే అందనంత దూరం...
ఆభరణాలకు, అహ్హర్యానికి, అభినయాలకు ఖచ్చిత నిర్వచనం
భారతీయ సినీ జగత్తులో మరో మకుటం లేని మహారాజు...
ఎన్నో అభినందనలు, ఎన్నోపొగడ్తలు,వాటితో పాటు కిట్టని వారు చేసే కొన్ని విమర్శలు...
అభినందనలు, పొగడ్తలు కోసం చెప్పవలసిన అవసరం లేదు.
ఒక కథానాయకుడి అకుంటిత దీక్షకు, ఒక అలుపెరుగని దర్శకుడి సృజనాత్మకతకు, పాత్రల ఎన్నికకు , కథ,కథనాలు నడిపిన తీరుకి , సందర్భోచిత సంభాషణలకు, దృశ్య కావ్యంగా మలిచిన వైనానికి,
ఒక సాధారణ కథను , అసాదారణ చిత్రంగా రూపుదిద్దిన శ్రమ, పట్టుదలలకి దక్కిన గౌరవం ఈ చిత్ర అఖండవిజయం...
నాయకి నాయకులు,ప్రతినాయకుడు ఒక్కటేమిటి ప్రతి పాత్ర శరీర దారుడ్యం ,హావభావాలు, సంభాషణలు, నటన మీద పెట్టిన శ్రద్ధ అన్నిఅద్భుతం... వాటికి ఈవిజయమే నిదర్శనం.
ఇక పోతే విమర్శలు చూద్దాం...
ఇది మామూలు కథే:- అవును ఇది మామూలు కథె అని రాజమౌళి గారు ఎప్పుడో చెప్పారు,
మనం ఏ కధ చెప్పినా మహాభారతం,రామాయణం,భాగవతం ఈ మూడింటిలో లేని కధ ప్రపంచంలో ఎవరూ చెప్పలేరు అని.
అలా అనుకున్నపుడు మీరే తిసేయవలసింది కదా సినిమా.
అనుకరణ (కాపీ) చేసారు:- అవును అనుకరించి దానిని ఇంకాస్త మెరుగుపరిచి చూపించడం తప్పులేదుకదా , IIT Chennai లో ఇదే విషయం పై రాజమౌళిగారు బాహుబలి 1 విజయం తరువాత విద్యార్దులు అడిగిన ప్రశ్నకి సమాధానంగా చెప్పారు.
దక్షిణ భారతదేశం సినిమా:- ఎందుకయ్యా సినిమాలు సినిమాలుగా కాకుండా ప్రాంతాల వారిగా, భాషా ప్రతిపాదికిన చూస్తారు, మీరు చేసిన మంచి సినిమాలు మేము ఎంతగానో ఆదరించాం, ఎంతో మంది నటీనటులు ఉత్తర భారతదేశం వచ్చి ఇక్కడ నటించలేదా, మీరు ఆదరించలేదా , ఇప్పుడు ఎందుకు ఈ భేషజాలు.
ఎవరో ఒక ఉత్తర భారతదేశ ప్రముఖ వ్యక్తి బాహుబలి ఈఈ కోసం ఏవో విమర్శలు చేశారు అని ప్రచార మాధ్యమాల్లో వస్తే చూసి , ఎవరా అతను అని గూగుల్లో శోధిస్తే తెలిసింది... అతని కోసం ప్రస్తావించక పోతేనే మంచిదని.
చివరిగా ఇది తెలుగువారి కీర్తిని ప్రపంచానికి చాటిన ఒక అద్భుతమైన చిత్రరాజం , ఇలాంటివి మరెన్నోచిత్రాలు రావటానికి దిక్సూచి.
ఈ చిత్రం కోసం అహర్నిశలూ శ్రమించి, నిర్మించి మన కళ్లకు ఒక మహా అద్భుతానన్ని ఆవిష్కరించిన 24 విభాగాల్లో పనిచేసిన అందరికీ అభినందనాలు తెలుపుతూ
ఒక సగటు ప్రేక్షకుడిని...
